Ватаннан читтә хезмәт бурычын үтәгән россиялеләрне искә алу көне

2021 елның 15 феврале, дүшәмбе

Әлеге Дата 1989 елда Совет гаскәрләрен Әфганстаннан чыгаруга багышланган. 1979-1989 елларда бу ил территориясендә хәрби хәрәкәтләр барышында 15 меңгә якын совет хәрбиләре һәлак булды. 2011 елга кадәр 15 февраль сугышчы-интернационалистларны искә алу көне буларак билгеләп үтелде, әмма рәсми статусы юк иде.

Яңа дата Россиянең чит илләрдә хәрби хәрәкәтләрдә катнашканда Ватанга фидакарьлек һәм тугрылык күрсәткән барлык гражданнары турында бердәм хәтер көне буларак гамәлгә куелды.